Kulinariya

Mətbəx sirləri: "Kral" beze tortu - VİDEO

18 Dekabr 2014 07:00
10 Şərh     Baxış: 15 836
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən
Milli.Az teleorakul.ru-ya istinadən "Kral" beze tortunun hazırlanma qaydasını təqdim edir

Tərkibi:

xəmir:

350 q marqarin
7 yumurtanın sarısı
3 x.q. xama
1 ç.q. söndürülmüş sirkə
750 q un

beze:

7 yumurtanın ağı
2 st. şəkər tozu
150 q qovrulmuş qoz

1-ci krem:

2 banka qatılaşdırılmış süd
450 q kərə yağı
2 x.q. kakao tozu
2 x.q. qəhvə tozu (2 x.q. su ilə qarışdırın)

2-ci krem:

4 yumurtanın ağı
200 q şəkər tozu
bıçağın ucunda limon duzu
vanil

Yumurtanın sarılarını ağlarından ayırın.

Yumurta ağlarını möhkəm soyudun, sonra 1 çimdik duzla çalın, şəkər tozu əlavə edərək beze çalın.

Yumurta sarılarını mikserlə çalın, xama, söndürülmüş soda əlavə edin, eynicinsli kütlə alınanda yumşaldılmış marqarin əlavə edib yenə çalın, tədricən un əlavə edib yoğurun. Elastik xəmir alınmalıdır.

Xəmiri 10 yerə bölün. Kündələyin. Hər birini perqamentin arasında 1 mm qalınlıqda yayın. (Yaxşı olar ki, bu mərhələdə eyni ölçülü forma ilə yaydığınız xəmiri kəsəsiniz ki, bütün korjlar eyni boyda olsun). Üzərinə beze çəkin (təxminən 2 dolu xörək qaşığı), xırdalanmış qoz səpin (1 ç.q.).

Bu qayda ilə hazırladığınız xəmiri 180 dərəcə qızdırılmış sobaya qoyub 6 dəqiqə bişirin, sonra 120 dərəcəyədək azaldın, 15-16 dəqiqə bişirin.

Bütün korjları eyni qaydada bişirin (sobanın temperaturunu hər dəfə artırıb-azaltmağı unutmayın).

Birinci krem: otaq temperaturunda olan kərə yağını həcmi çoxalanadək çalın, qatılaşdırılmış süd, kakao, qəhvə əlavə edib bir daha möhkəm çalın. Soyuducuya qoyun.

Bişmiş korjları soyudun. Aralarına krem çəkib üst-üstə qoyun, soyuducuda 2 saat saxlayın. Korjları  əzməyin, qıraqlarını kəsib hamarlamayın.

Soyuducudan çıxarandan sonra kremlə nahamarlıqlarını düzəldin.

2-ci krem: Su hamamı hazırlayın. Bir tavaya sü töküb vam odun üzərinə qoyun. Kremi çalacağınız qab bu tavanın içinə rahat yerləşməlidir. Amma tavadakı su kremi çalacağınız qabin içinə qətiyyən düşməməlidir. Həmçinin krem qabı tavadakı suya toxunmalıdır, tavanın dibinə yox.

Kremi çalacağınız qab təmiz və qupquru olmalıdır. Yumurta ağlarını qaba tökün (bunun içinə yumurta sarısından bir damcı da düşməməlidir). Şəkər tozunu, limon duzunu və vanili də əlavə edin. Mikserlə 1 dəqiqə çalın.

Sonra krem qabını su hamamına qoyun. Mikserin yüksək sürətində krem qatılaşanadək - 10-12 dəqiqə çalın. Su hamamından götürəndən sonra daha 1 dəqiqə çalın. (Bu kremin hazırlanma qaydasını aşağıdakı videodan izləyə bilərsiniz).
 


Tortun üzərini 2-ci kremlə, giləmeyvə ilə bəzəyin.

Bezeli "Kral" tortu böyük alınır - təxminən 24 sm diametrdə və 3 kq ağırlıqda.

Nuş olsun!

Milli.Az
Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.