Maraqlı

ABŞ-ı fəth edən Üzeyir: "Heç inanmırdım ki, ABŞ-da məşhurlaşa bilərəm" - VİDEO

27 İyun 2017 14:18

1 Şərh Baxış: 3 689

#DÜNYADA #MARAQLI #CƏMİYYƏT #AMERİKA #VİDEO

Amerikanı fəth edən azərbaycanlı sirk ustası, qatıldığı "America's Got Talent" yarışmasında nərdivanla sərgilədiyi çıxışı ilə məşhurluq qazanan Üzeyir (Uzeyer) Novruzov Bakıda keçirilən Formula-1 yarışını ailəsi ilə birgə izləyib.

Milli.Az xəbər verir ki, hazırda Birləşmiş Ştatlarda yaşayan Üzeyir Novruzov yarış zamanı baku.ws-in suallarını cavablandırıb. O, bir azərbaycanlının ABŞ-a gedərək bu ölkəni necə fəth etdiyinin sirlərindən danışıb:

"Qastrolda idim. Heç inanmırdım ki, gedib Amerikaya və orada işləyib, məşhurlaşa, yaşaya bilərəm. Amma bu şoudan (America's Got Talent ) sonra mənim üçün orada yaşamaq daha asanlaşdı. Müxtəlif yerlərdən təkliflər gəldi. Bu şou mənim üçün yaxşı reklam oldu, tanındım. Hələlik ABŞ-da işim yaxşı gedir. Amma bu o demək deyil ki, ömrüm boyu ABŞ-da qalacam. Mən dünya adamıyam, harda yaxşıdır, orada da qala bilərəm".

Qeyd edək ki, sirk ustası Üzeyir Novruzov 6 metrlik nərdivanda 7 dəqiqə 50 saniyə qalmaqla "Ginnesin rekordlar kitabı"na da düşüb.

Milli.Az

Videonu izləmək üçün şəklə klikləyin: