Maraqlı

Süni intellekt bitkiləri qoruyacaq

24 İyun 2017 07:41
0 Şərh     Baxış: 839
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

Çoxsahəli "Monsanto" transmilli şirkəti  bitkilərin biotexnologiyası sahəsi üzrə dünya lideridir. Bu şirkətin mütəxəssisləri onilliklər boyunca  istənilən şəraitdə yetişən, virus və təhlükəli zərərvericilərə qarşı davamlı yeni genetik dəyişilmiş bitkilər yaratmaq üçün səy göstərirlər. "Monsanto" şirkəti öz məqsədinə nail olmaq üçün ən qabaqcıl texnologiyalardan istifadəyə üstünlük verir. Məsələn, bu yaxınlarda məlum olub ki, sözügedən şirkət süni intellekt sahəsində lider sayılan "Atomwise" şirkəti ilə öz səylərini birləşdirəcək.

Milli.Az ICTnews-a istinadən bildirir ki, süni intellekt "Monsanto" şirkətinin alimlərinə dənli bitkiləri müxtəlif xəstəlik və zərərvericilərdən qorumaq qabiliyyətinə malik molekulları tez və effektiv aşkar etməkdə kömək edəcək. "Atomwise" şirkətinin mütəxəssisləri tərəfindən yaradılmış neyron şəbəkəsi dərin maşın təlimi sayəsində arzu olunan effektə malik olacaq molekulları tapmağa yardım edəcək. Bu, "Monsanto" şirkətinə öz vaxtına və vəsaitinə qənaət etməyə imkan verəcək. Bir qayda olaraq, dənli bitkilər üçün səmərəli müdafiənin hazırlanmasına təxminən 11 il vaxt tələb olunur və belə layihələrin qiyməti 250 milyon dolları ötür.

Milli.Az

Digər maraqlı xəbərlər Milli.Az-ın Facebook səhifəsində

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.