İsveçdəki "Manofactory" memarlıq bürosu adi ev tikintisindən imtina edərək evləri sıldırım qaya divarlarında inşa etməyi təklif edib.
Milli.Az ArchDaily-yə istinadən bildirir ki, "Nestinbox" adlanan bu ev bir neçə otaqlı, isitmə sistemli tikilidir. Onun şaquli səthə bərkidilməsi üçün xüsusi polad konstruksiyadan istifadə olunur.
İsveçli memarların dediklərinə görə, bu evlərdə Skandinaviyadakı çoxsaylı sıldırım qayaların divarlarını "doldurmaq" olar.
Üçmərtəbəli evin ümumi sahəsi 50 m2-dir. Mərtəbələr dar, vintvari pilləkən vasitəsilə birləşiblər. Quş yuvasına bənzəyən ev kiçik ailə və ya tənha adamlar üçün nəzərdə tutulub.
Milli.Az