Maraqlı

İt damında tapılmış qızı DİN-in institutundan qovdular - FOTO

23 May 2017 15:17
3 Şərh     Baxış: 20 827
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

20 yaşlı Lüdmila Fursova Rusiya DİN-in Belqorod şəhərindəki Hüquq İnstitutundan qovulub.

Milli.Az KP-yə istinadən bildirir ki, Lipetsk vilayətinin Dobrinka qəsəbəsində doğulmuş Lüdmila dövlət hesabına təhsil alırdı.

Qovulmanın səbəbi kimi "onun kimisə güllələyə biləcəyi təhlükəsi" göstərilib.

Bəlli olub ki, institutun rəhbərliyi Lüdmilanın anasının qətlə görə həbsxanada olduğunu biləndən sonra bu qərara gəlib. Üstəlik, 3-cü kurs tələbəsindən dövlətin onun təhsilinə xərclədiyi 300 min rubl tələb olunub.

"Fevralın 14-də L.Fursova mühazirə zamanı özünü pis hiss etdiyini, güllə atışı poliqonuna gedə bilməyəcəyini deyib.  İnstitutun terapevti ilə söhbətində o, deyib ki, depressiyadadır və kimisə güllələyə bilər", - institut rəhbərliyi bildirib.

L.Fursova isə deyib ki, həkim onu təhqir edib: "Mənə dedi ki, dərslərə qatılmamaq üçün yalan danışıram. Halbuki hərarətim və təzyiqim artmışdı. Zəif immunitetim var, uşaqlıqda tez-tez xəstələnirdim. Həkimə dedim ki, poliqona gedə bilmərəm: hərarətim var, əllərim titrəyir, silah əlimdən yerə düşə bilər".

L.Fursovanın anası aşnasını qətlə yetirdiyinə görə həbsxanadadır. Lüdmilanın 3,5 yaşı olanda onu uşaq evinə veriblər.

Dobrinka qəsəbəsinin sakinlərinin dediklərinə görə, əxlaqsızlıq və əyyaşlıq edən anası olan balaca Lüdmilanı sosial təminat idarəsinin əməkdaşları it damında tapmışdılar. 3,5 yaşlı Ludmila itin yeməyindən yeyib ac qalmamaq və qışın soyuğunda isinmək üçün köpəyin damına girmişdi.

L.Fursovanın dediyinə görə, hüquqları pozulub və o, institut rəhbərliyini məhkəməyə verib. 20 yaşlı qızın istəyi təhsilini davam etdirməkdir.

Milli.Az

Digər maraqlı xəbərlər Milli.Az-ın Facebook səhifəsində

Məqaləyə dair fotomateriallar:

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.