Maraqlı

Yeni superkompüter yaradılıb

20 May 2017 08:21
0 Şərh     Baxış: 454

"Hewlett Packard" şirkəti rekord - 160 terabayt yaddaş tutumuna malik kompüter prototipi təqdim edib. Söhbət özündə operativ və quraşdırılmış yaddaş xüsusiyyətlərini birləşdirən yaddaşdan gedir.

Milli.Az ICTnews-a istinadən bildirir ki, iritutumlu məlumatlarla iş üçün yaradılan kompüter eyni anda həcmi 160 milyon kitaba bərabər informasiyanı təhlil edə bilir.

Məlumata görə, "The Machine" adlanan qurğu "Linux" əməliyyat sisteminin idarəetməsi ilə işləyir. Kompüter yaradıcıları əsas diqqəti prosessora deyil, yaddaşa yönəldiblər.

Şirkət nümayəndələri bildirib ki, kompüterin yaradıldığı tədqiqat layihəsi çərçivəsində yekun nəticədə sonsuz yaddaş tutumuna malik qurğu hazırlana bilər.

"HP" rəhbəri xanım Meq Uitman qeyd edib ki, bütün sənayeni dəyişəcək və ya texnologiyaların həyatını dəyişən növbəti elmi tərəqqinin, innovasiyaların sirrinin açılması bu yaxınlarda baş verəcək. "Biz əvvəlki texnologiyalara güvənə bilmərik, bizə iritutumlu məlumatlar dövrü üçün yaradılan kompüter lazımdır", - o vurğulayıb.  

"The Machine" kompüteri üzərində iş beş il əvvəl başlayıb. Şirkət mütəxəssisləri mövcud kompüterlərin gücünün iritutumlu məlumatlarla iş üçün kifayət etməməsi qərarına gələrək məxsusi olaraq bu məqsəd üçün yeni superkompüter yaradıblar. Təxminən üç il əvvəl "HP" laboratoriyası əməkdaşlarının 75 faizi kompüterin hazırlanması ilə məşğul olub.

Milli.Az

Digər maraqlı xəbərlər Milli.Az-ın Facebook səhifəsində

DİGƏR XƏBƏRLƏR

Şərh yaz:

0 Şərh:

XƏBƏR LENTİ

Copyright © 2015 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.