Maraqlı

Alimlər "danışan kağız" icad ediblər

20 May 2017 07:41
0 Şərh     Baxış: 746
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

Miçiqan Universitetinin alimlər qrupu tərəfindən hazırlanmış yastı elastik material mexaniki titrəyişlər nəticəsində səs çıxara bilir. "Nature Communication" jurnalında dərc edilmiş məqalədə yazılıb ki, alimlər mexaniki titrəyişlərin köməyi ilə "danışan kağız" və ya "oxuyan bayraqlar" yaradacaqlar.

Milli.Az ICTnews-a istinadən bildirir ki, yeni həllin əsasını hələ 2016-cı ilin sonunda təqdim edilmiş "FENG" nanogeneratoru təşkil edir. Bu material mexaniki enerjini elektrik enerjisinə çevirmək qabiliyyətinə malikdir. Alimlər zənn edirdilər ki, "FENG" smartfon və daşınan qurğular üçün əsas enerji mənbəyi olacaq.

Ancaq keçirilmiş bir sıra sınaqlardan sonra bu materialın başqa xüsusiyyəti aşkar edilib. Belə ki, mütəxəssislər elektrik enerjisini mexaniki titrəyişlərə çevirərək akustik dalğaları yazmağa nail olublar.

"Səhifələri eyni zamanda həm mikrofon, həm də dinamik funksiyasını yerinə yetirən qəzeti təsəvvür edin," - tədqiqatın aparıcı müəllifi Nelson Sepulveda yeni həll barədə öz təəssüratını bölüşüb.

Milli.Az

Digər maraqlı xəbərlər Milli.Az-ın Facebook səhifəsində

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.