Maraqlı

Peyk təyyarələri Wi-Fi ilə təchiz edəcək

18 May 2017 07:33
0 Şərh     Baxış: 640
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

Kanaveral kosmodromunda ABŞ-ın məşhur iş adamı İlon Maska məxsus özəl "SpaceX" şirkətinin "Falcon 9" raketdaşıyıcısının uğurlu buraxılışı həyata keçirilib.  

Milli.Az ICTnews-a istinadən bildirir ki, raket orbitə təyyarə və gəmi sərnişinləri üçün genişzolaqlı internetə çıxışı təmin edəcək "Inmarsat-5 F4" telekommunikasiya peykini çıxarıb. Seriyada dördüncü və sonuncu olmaqla qlobal "Global Xpress" peyk şəbəkəsinin yaradılmasını tamamlayacaq aparat ABŞ-ın "Boeing" şirkəti tərəfindən hazırlanıb. Peykin proqnozlaşdırılan istismar müddəti 15 il təşkil edir.
 
Məlumata görə, bu ilin martında "SpaceX" ilk pilləsi kosmosa göndərilən "Falcon 9" raketdaşıyıcısının buraxılışını həyata keçirib. Doqquz dəqiqə sonra raket Atlantik okeanda yerləşən platformaya uğurlu eniş edib.
 
Mayın 4-də "SpaceX" şirkətinin vitse-prezidenti Patrisiya Kuper şirkətin internetin paylanması üçün 2024-cü ilədək dörd mindən çox peyk buraxmaq niyyətində olmasını açıqlayıb. Onun sözlərinə görə, şirkət 2017-ci ildə prototiplərin sınaqlarına başlayacaq və ilk peyki ilin sonunadək buraxacaq. İkinci aparatın Yerətrafı orbitə 2018-ci ildə çıxarılması nəzərdə tutulur.

Milli.Az

Digər maraqlı xəbərlər Milli.Az-ın Facebook səhifəsində

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.