Maraqlı

Təyyarədə necə daha rahat və təhlükəsiz uçmaq olar?

17 Aprel 2017 23:30
2 Şərh     Baxış: 1 027

Məlum olduğu kimi, təyyarə ən müasir və təhlükəsiz nəqliyyat vasitələrindən biridir. Lakin bəzi məsləhətləri yerinə yetirməklə təyyarədə daha rahat və təhlükəsiz uçmaq mümkündür.

Milli.Az Trend-ə istinadən təyyarədə rahat və təhükəsiz uçmaqla bağlı bir sıra tövsiyyələri təqdim edir.

Ekspertlər təyyarədə uçan zaman çay və kofe içməməyi tövsiyə edirlər. Belə ki, iddialara görə, təyyarənin göyərtəsində bu içkiləri hazırlamaq üçün istifadə edilən içməli su bağırsaq çöpü və s. bu kimi zərərli bakteriyalar daşıya bilər. Ona görə də təyyarədə uçan zaman hazır sulardan və ya şirələrdən istifadə etmək məsləhət görülür.

Təyyarədə oturacağınız qarşısında olan masadan istifadə etməzdən əvvəl onu təmizləyin, çünki stüardessalar da etiraf edir ki, həmin masalar çox da yaxşı təmizlənmir.

Ekspertlər tövsiyə edir ki, əgər sizin uçuş vaxtını seçmək şansınız varsa, gündüz vaxtına təyin olunmuş uçuşa üstünlük verin. Çünki gündüz vaxtı həyata keçirilən uçuşlarda ləngimə ehtimalı çox azdır. Qeyd edək ki, təyyarə gündüz vaxtı uçuşlarda hava burulğanına gecə vaxtı olan uçuşlardan daha az düşür. Gündüz vaxtı uçuşlar xüsusən, təyyarədə uçmaq fobiyası olan sərnişinlər üçün daha əlverişlidir.

Təyyarədə arxa oturacaqlarda əyləşən sərnişinlərə daha yaxşı xidmət göstərilir. Bunu stüardessalar özləri də təsdiq edirlər. Çünki arxa oturacaqda əyləşən sərnişinlərə daha çox diqqət yetirilir, onlar daha rahat şəkildə əlavə qida, su və digər içkilər sifariş edə bilirlər.

Milli.Az

DİGƏR XƏBƏRLƏR

Şərh yaz:

2 Şərh:

  • Anonim
    sena · 18 Aprel 01:1100

    Heyifki oturmag ucun yeri secmek olmur...ve hazir sular teyyareye buraxilmir

    Cavab yaz
    • Anonim
      Ayka · 18 Aprel 13:3700

      Kim deyir ki teyyarede oturmsq ücün yeri secmek olmur. Bileti aldiginiz zaman istediyiniz yeri sece bilersiniz.

      Cavab yaz

XƏBƏR LENTİ

Copyright © 2015 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.