PUL
Toyota şirkəti Detroytdakı beynəlxalq avtosalonda yeni nəsil sedan Camry-nin amerikan versiyasını təqdim edib. Yeni Camry-nin xarici görünüşü sedan Carolla-nın ölçüləri böyüdülmüş surəti olmadı: avtomobil orijinal görünüşə malikdir, aqressivdir, xarici bəzəklər arasında hətta idman notlarını da görmək olar. Əvvəllər bu, Toyota sedanlarında müşahidə olunmurdu.
Milli.Az auto.az-a istinadən bildirir ki, yeni Camry TNGA (Toyota New Global Architecture) platformasında yığılıb. Təkər bazasını böyütməklə, kapot və dam xəttini aşağı salmaqla, o cümlədən avtomobili enliləşdirməklə Toyota konstruktorları avtomobilin ağırlıq mərkəzini aşağı salıblar.
Yeni Camry-nin interyeri müasir tendensiyaların hər şeyin rəqəmsallaşdırılmasına təcəssümüdür: sürücü praktiki olaraq displeylər və sensorlu panellərlə əhatə olunub. Sürücünün gözləri qarşısında 10-düymlük proyeksiyalı ekran, cihazlar panelində bortkompüterin 7-düymlük displeyi, mərkəzi konsolda multimedia sisteminin 8-düymlük ekranı dayanıb.
Yeni Camry-nin amerikan versiyasının mühərrik qammasında 3 yeni aqreqat var: baza olaraq 2,5-litrlik, bir pillə yuxarıda 3,5-litrlik V-şəkilli altılıq və yeni nəsil hibrid. Mühərriklərin gücü barədə rəsmi məlumat verilmir. Benzin mühərriklər 8-pilləli avtomat sürət qutusu ilə, hibrid isə variatorla çalışır.
Milli.Az
Digər maraqlı xəbərlər Milli.Az-ın Facebook səhifəsində.
Bizi "Telegram"da izləyin.
Şahidi olduğunuz hadisələri çəkib bizə göndərin!
.jpg)
.png)
.jpg)
.jpg)
.jpg)
