GMC şirkəti kompakt krossover Acadia-nın yeni nəslini təqdim edib. Yeniliyin debütü Detroyt avtosalonunda keçiriləcək. Avtomobil tam yeni dizayn alıb. O, yeni radiator barmaqlığı, 17-düymlük təkər diskləri, yeni bamperlər və diodlu optika ilə təchiz edilib.
Milli.Az auto.az-a istinadən bildirir ki, mühərrik qammasına 1,5-litrlik, 170 a.g. olan benzin mühərrik daxil edilib. Müştərilərə, həmçinin 2,0-litrlik aqreqat da təklif ediləcək. O, 252 a.g. verir. Hər iki mühərrik 9-pilləli avtomat sürət qutusu ilə birgə çalışır.
Avtomobil, həmçinin 137 a.g.-ə malik dizel mühərriklə də təchiz edilə bilər.
Milli.Az