Maraqlı

Vatikan: "Ölənlərin külünü evdə saxlamayın"

26 Oktyabr 2016 14:42
2 Şərh     Baxış: 742
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

Vatikan mömin katoliklərə yaxın və doğmalarının küllərini evdə saxlamağı və ya səpələməyi qadağan edib.

Romada keçirilmiş mətbuat konfransında deyilib ki, ölənlərin külləri yalnız qəbristanlıq kimi yerlərdə saxlana bilər.

Milli.Az BBC-yə istinadən bildirir ki, ölənlərini dəfn etməkdənsə kremasiya etməyə üstünlük verənlərin sayının artması ilə bağlı kilsə katolikləri "dinə zidd olan ideyalardan" çəkinməyə çağırıb.

Kardinal Gerhard Müller bunu da əlavə edib ki, ölənlərin torpağa basdırılması onların yandırılmasından daha məsləhətlidir.

"Biz torpaqdan gəlmişik və torpağa qayıtmalıyıq", - kardinal deyib.

O bildirib ki, kilsə ölənlərin torpağa tapşırılmasını tövsiyə edir.

Kardinal Müller deyib ki, kilsə ölənlərin kremasiyasına 1963-cü uldən bəri icazə versə də, getdikcə daha çox insan yaxınlarının küllərini evdə saxlayır.

"Ölənlərin külü yalnız kilsədə, qəbristanlıqda və ya dəfn üçün ayrılmış yerlərdə saxlana bilər, - kardinal deyib. - Evdə kül saxlamağa icazə verilmir".

Kardinal bildirib ki, ölənlərinin küllərini havaya, torpağa və suya səpələmək panteizm və bütpərəstliyin əlamətidir və kilsə tərəfindn qadağan edilib.

O deyib ki, mərhumların külü evlərdə fövqəladə hallarda, o da yepiskopun icazəsi ilə saxlana bilər.

Bəziləri bu dünyadan köçmüş əzizlərinin küllərini evlərində xüsusu qutularda saxlayır, ya da onların öz vəsiyyətlərinə uyğun olaraq vaxtilə sevdikləri yerlərə səpələyirlər.

Ölənlərdən xatirə olaraq onların külləri bəzən boyalara qatılır və bu qarışıqla tablolar yaradılır.

Bəziləri isə yaxınlarının küllərini musiqi vallarına presləyib saxlayırlar ki, bəzən onların "ruhlarına" qulaq asa bilsinlər.

İnsan külündən zinət əşyaları sifariş edənlər və onları atəşfəşanlıqda göyə atanlar da tapılır.

Vatikanın qadağanı hər il noyabrın 2-də yad edilən Bütün Ruhların Günü ərəfəsində elan edilib. Həmin gün möminlər ölənlərin ruhuna dua oxuyurlar.

Milli.Az

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.