Çəkisi 635 kq olan bu yırtıcı çox səmimi davranır, onu qucaqlayan kişini bağrına basır.
Qonur kodyaks ayısı dünyanın ən təhlükəli yırtıcılarından biri sayılsa da, dostluğu da bacarır. Hər halda Cim Kovalçuk belə deyir.
Milli.Az ABC-yə istinadən bildirir ki, Nyu-Yorkun yaxınlığındakı Autsvilldə yerləşən "Orphaned Wildlife Centre"ə rəhbərlik edən Cim Kovalçukun dediyinə görə, "Cimbo" adlı bu ayını çox sevir.
22 yaşlı Cimbo mərkəzdə saxlanan 11 ayıdan biridir.
Cimbo balaca olanda Kovalçuk onu bəsləməyə başlayıb.
57 yaşlı Cimin xanımı Syuzanın sözlərinə görə, Cimbo nəhəng yırtıcı olsa da, qayğı və səmimiyyəti anlayır.
"Cimbo çox mehriban, səmimidir. Amma o, qüvvəsinin həddini bilmir. Məsələn, onun yanından getmək istəyəndə paltarımdan və ya şalvarımdan tutub geri çəkir. Cimboun gücünə gəldikdə isə... Tanıdığınız ən güclü adamı göz önünə gətirin və onun gücünü 1000 dəfə artırın. Bax, Cimbo belə gücə malikdir", - 100 hektarlıq mərkəzdə ayıları bəsləyən Cim söyləyib.
Milli.Az
Videonu izləmək üçün şəklə klikləyin: