Sosial şəbəkələr, xüsusilə də Facebook azyaşlılar üçün potensial risk, təhlükə mənbəyinə çevrilib. Uşaqbazlar, manyaklar, psixi sapıntıları olan insanlar sosial şəbəkələrdən "ov" əldə etmək üçün istifadə edirlər.
Milli.Az Daily Mail-ə istinadən bildirir ki, belə əxlaqsızlardan biri İngiltərədə ələ keçib.
Sosial şəbəkələrdəki pedofilləri üzə çıxarmaqla məşğul olan "Dark Justice" qrupunun üzvləri 46 yaşlı Stiven Makkartini tutublar.
Bu şəxs Facebook-da tovladığı 13 yaşlı qızla Norturmberlenddəki avtobus dayanacaqlarından birində görüşməyi vədələşmişdi.
Manyak şəxs Olnuikdəki dayanacaqda polis və "Dark Justice"in üzvləri tərəfindən yaxalanıb.
Milli.Az