Qaynatası ilə yatağa girən qadın oğlunu boğdu - FOTO

İtaliya mediası bu məhkəmə prosesini "ilin ən dəhşətli, ən əxlaqsız hadisəsi" kimi dəyərləndirir.

Cinayəti törətməkdə günahlandırılan qadın çox ciddi mühafizə olunan həbsxanaya, təkadamlıq kameraya yerləşdirilib. Polis bu qadının həbsxanada öldürüləcəyindən ehtiyatlanaraq onu sutkada 24 saat müşahidə edir.

Milli.Az La Stampa-ya istinadən bildirir ki, həmin qadın 2014-cü ilin noyabrın 9-da oğlunu boğaraq qətlə yetirmiş Veronika Panarellodur.

Hadisə Siciliya adasındakı Raquza bölgəsində, Santa Kroçe-Kamerina şəhərində baş verib.

Veronika Panarello iki il əvvəl, noyabrın 29-da polisə yollanaraq 8 yaşlı oğlu Loris Stivalın məktəbdən qayıtmadığını deyib.

"Həmişəki kimi, məktəbə getdim. Gözlədim, oğlum məktəbdən çıxmadı. Oğlum itib, yoxdur. Mənə kömək edin, oğlumu tapın!" - 32 yaşlı Veronika Panarello polis idarəsində hönkürür, yalvarır, qışqırırdı.

Polis axtarışlara başlayıb.

İki gün sonra balaca Lorisin cəsədi şəhərin kənarındakı su kanalında tapılıb. Ekspertiza göstərdi ki, 8 yaşlı oğlanın boynuna elektrik kabeli salınıb və o, bu minvalla boğularaq öldürülüb.

Bir həftə sonra isə polis Veronika Panarellonu həbs edib. O, oğlunu qətlə yetirməkdə günahlandırıldı.

İstintaq materiallarına görə, Veronika Panarello qaynatası Andrea Stivalla "eşq macərası" yaşayıb. Əri işə gedəndən sonra Veronika yataq otağında qaynatası ilə "birgə istirahət" edirmiş. Günlərin birində məktəbdən vaxtından tez dönən Loris anasını və babasını yataqda, cinsi əlaqədə olarkən görür.

Uşaq qışqıranda Veronika ilə qaynatası "ələ keçdikləri"ni anlayırlar.

Andrea Stivalın "məsləhət"i ilə Veronika oğlunu tutur, dəhlizdəki elektrik kabeli ilə boğaraq öldürür.

Sonra isə qaynata ilə gəlin uşağın cəsədini şəhər kənarındakı kanala atırlar.

Veronika Panarello 30 il müddətinə azadlıqdan məhrum olunub. Onun qaynatası A.Stivala hökm bu günlərdə oxunacaq.

Veronikanın artıq sabiq əri, onu ötən il boşamış şəxs şərh verməkdən boyun qaçırıb.

Milli.Az