Məşhur amerikalı aktrisa və müğənni, Hollivud ulduzu Cennifer Lopesin sevgilisi, rəqqas Kasper Smartla münasibətləri pisləşib. Daha doğrusu, toya hazırlaşan cütlüyün ayrıldıqları deyilir.
Milli.Az Daily Mail-ə istinadən bildirir ki, onlar münasibətlərinə son qoymaq və "bundan sonra dost qalmaq" qərarına gəliblər.
İddialara görə, 47 yaşlı Lopeslə 29 yaşlı Smartın ayrılmalarının səbəbi xeyriyyə gecəsinə yollanan aktrisanın təkidlərinə rəğmən, Smartın onu müşayiət etmək istəməməsi olub. Lopeslə mübahisə edən Smart UFC döyüş sənətləri federasiyası çərçivəsində keçirilən əlbəyaxa döyüşə yollanıb.
Kasper Smart dostları ilə birlikdə Las-Veqasa yollanaraq orada Konor MakQreqorla Nayt Diasın döyüşünə baxıb.
Kasperin belə davranışı Cenniferi çox sinirləndirib və o, münasibətlərə son qoyduğunu deyib.
"Cey Lo" dünən Nyu-Yorkda idi və olayla bağlı heç bir sualı cavablamaq istəməyib.
Soho səmtində paparassilərlə qarşılaşan Kasper Smart isə aradan çıxmağa çalışıb.
Milli.Az
Videonu izləmək üçün şəklə klikləyin: