Patoloji piylənmə xəstəsi olan bu qadın əvvəllər avtobusda olanda iki oturacaqda otururdu. Gündə minimum 6 min kalorilik qida qəbul edən Monika Kindi bu yaşama son vermək qərarına gəlmişdi.
Milli.Az Daily Mail-ə istinadən bildirir ki, sürəkli pəhriz və məşqlər sayəsində istədiyi nəticəyə nail ola bilməyən 33 yaşlı Monika lipoksasiya ilə bağlı cərrahiyyə əməliyyatlarından yararlanıb.
Missuri ştatındakı Coplin şəhərində yaşayan Monika bu əməliyyatlara 25 min dollar xərcləmişdi.
Sonra isə pəhriz və məşqlər başlandı.
Çəkisi 215,4 kq olan Monika Kindi 124,7 kq arıqlayıb. O, sallanan dərisini normaya salmaq üçün yenidən əməliyyat olunub.
"İndi özümü əla hiss edirəm. Bir daha ifrat kök vəziyyətə qayıtmaq niyyətim yoxdur", - Monika Kindi söyləyib.
Milli.Az