Maraqlı

Güclü Günəş simulyatoru yaradılıb

23 İyul 2016 20:35
0 Şərh     Baxış: 827
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

Çinin Aerokosmik Elmlər, Sənaye və İnformasiya Texnologiyaları Akademiyasının alimləri təbii günəş işığından daha parlaq işıq verən güclü Günəş simulyatoru yaradıblar.

Milli.Az ICTnews-a istinadən bildirir ki, diametri 5 metr təşkil edən qurğudan Mars planetinə göndəriləcək aparatların və kosmik zondların sınaqları zamanı istifadə planlaşdırılır. "Bu ölçüyə malik Günəş simulyatoru kosmos şəraitində günəş radiasiyasını çox gözəl imitasiya edir ki, bu da çinlilər üçün kosmik gəmilərin və planet aparatlarının tikintisi zamanı yaxşı yardımçı ola bilər", - "Aerospace Knowledge" jurnalının baş redaktoru Van Yanan bildirib. Onun sözlərinə görə, günəş şüalanmasının intensivliyi belə aparatların istismar müddətinə və iş rejiminə təsir edən mühüm amillərdən biridir. Bütün işığahəssas avadanlıqlar, məsələn, fotoelektrik sistemlər və termotənzimləyici örtüklər istifadədən əvvəl Günəş simulyatoru vasitəsilə mütləq ilkin sınaqdan keçirlər.

Belə qurğulardan, adətən kosmik aparatların yaradılması zamanı radiasiya təsirinə meylli materialların sınaqları, istilik balansının ölçülməsi və günəş batareyalarının yoxlanılması üçün istifadə olunur.
Çinin ABŞ, Yaponiya və Fransa kimi kosmik məkanın tədqiqində lider olmamasına baxmayaraq,  ölkə tədqiqatçıları yeni kəşfin onlara bu istiqamətdə xeyli irəliləməyə kömək edəcəyinə ümid edirlər. Həmçinin Çin 2020-ci ilədək Marsa aparat göndərməyi, 2022-ci ilədək pilotlu kosmik stansiya tikməyi planlaşdırır.

Milli.Az

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.