Çəkisi 139,7 kq olan gənc oğlan tosqunluğundan, köklüyündən zinhara gələndən sonra arıqlamağa qərar vermişdi.
O, məqsədinə çatıb. Bir zamanlar "piy tuluğu" adlandırılan gənc indi fitnes və bodibildinq üzrə məşqçi kimi çalışır.
Milli.Az TMZ-yə istinadən bildirir ki, Kanadanın Britaniya Kolumbiyası əyalətindəki Pentikton şəhərində yaşayan 21 yaşlı Denni Mebli arıqlamağından çox razıdır. Sözlərinə görə, ağır atletika və bodibildinqlə məşğul olmağa, sağlam həyat yaşamağa başlayandan sonra yaşamı tamamən dəyişib.
Vücudunun transformasiyasının fotolarını İnstagram-dakı profilində paylaşan Denni indi sosial şəbəkələrdə populyarlaşıb. Onun İnstagram-da 69 mindən artıq daimi təqibçisi var.
Milli.Az