Treş-horror fanatları sevinə bilərlər. ABŞ-ın FOX telekanalında "American Horror Story" serialının 5-ci mövsümü başlanıb.
Milli.Az TMZ-yə istinadən bildirir ki, "American Horror Story: Hotel" seriyasında baş rollardan birində qalmaqallı və məşhur müğənni, amerikalı Ledi Qaqa çəkilib.
Pop-mədəniyyətə satira, Hollivud filmlərinə ironiya olan seriyadakı olaylar Los-Ancelesdəki "Cortes" otelində baş verib.
Nyu-Yorkdan gələn memar Uill Dreyk otelin yeni sahibi olduğunu deyir. Ledi Qaqanın canlandırdığı "qrafinya Elizabet" isə buna imkan vermək niyyətində deyil.
Dəhşətli qətllərin törədildiyi otelin sahibəsi qrafiya Elizabet həm də vampirdir.
Ledi Qaqa rolunu əla oynayıb və rejissorların dediklərinə görə, o, əsl primadonnadır.
Müğənniyə gələn mövsümdə də seriala çəkilmək təklif olunub.
Bu arada Ledi Qaqa bildirib ki, şou-biznes və işi onu yorub.
"15 yaşımdan bəri səhnədəyəm. Artıq 14 ildir ki, çalışıram. 29 yaşım olsa da, özümü 100 yaşlı qarı kimi hiss edirəm. Daim diqqət mərkəzində olmaq, hara getsən, reportyorların kameralarının sənə tuşlandığını görmək asan deyil", - Ledi Qaqa deyib.
Milli.Az