Bugündən etibarən Fransanın paytaxtı Parisdə yerə siqaret atanlar 68 avro cəza ödəyəcəklər.
Milli.Az Trend-ə istinadən bildirir ki, Paris Bələdiyyəsinin verdiyi qərar bugündən qüvvəyə minəcək.
Sözügedən qadağa 100 nəfər müfəttiş tərəfindən hər gün yoxlanılacaq. Bu müfəttişlər küçədə yerə siqaret atanları görər-görməz yerindəcə cərimələyəcəklər. Cərimənin məbləği isə bizim pulla 80 manat təşkil edir.
Paris Bələdiyyəsi siqaretin və onun külünün yerə atılmasının qarşısını almaq üçün şəhərin hər yerinə zibil qutusu yerləşdirib.
Milli.Az