İlk dəfədir ki, Facebook-dan bir gün ərzində bir milyarddan çox insan istifadə edib.
Şirkətin təsisçisi Mark Zuckerberg deyib.
Milli.Az BBC Azərbaycanca-ya istinadən bildirir ki, bazar ertəsi "dünyada yeddi nəfərdən biri dostları və ailəsi ilə əlaqə yaratmaq üçün Facebook-dan istifadə edib", Zuckerberg yazıb.
Facebook-un indi təxminən 1.5 milyard istifadəçisi var və onlar ayda ən azı bir dəfə sayta daxil olurlar.
Şirkət milyardıncı istifadəçiyə 2012-ci ilin oktyabr ayında çatıb.
Facebook-un əsasını Zuckerberg 2004-cü ildə, Harvard Universitetində təhsil alarkən qoyub.
O, Facebook istifadəçilərinin daha da artacağını güman edir.
"Biz ilk dəfədir ki, bu nöqtəyə çatırıq və bu, bütün dünyaya bağlanmağın başlanğıcıdır", - Zuckerberg yazıb.
İyul ayında Facebook, dünyada İnternet istifadəçilərinin yarıdan çoxunun ayda ən azı bir dəfə Facebook-dan istifadə etdiyini bildirmişdi.
Milli.Az