29 yaşlı Denis Bido 2014-cü ildə Nyu-Yorkda keçirilmiş "New York Fashion Week" moda şousunda iştirakından sonra məşhurlaşmışdı.
Milli.Az ABC-yə istinadən bildirir ki, ABŞ-ın Florida ştatındakı Mayami şəhərində yaşayan Denis "toppuş" xanımdır və arıqlamaq, sısqa modelə dönmək niyyətində də deyil. Təbii gözəlliyi, nikbinliyi, bir də sosial şəbəkələrdəki məşhurluğu sayəsində o, "Victoria's Secret" brendinin ilk "ağır çəkili" modelinə çevrilib.
"Təbii ki, "Victoria's Secret" təki dünyaca populyar brendin modeli olmaq mənimçün maraqlı işdir. Üstəlik, bədən ölçülərimin moda "standart"larından çox kənar qaldığını nəzərə alsaq, brendin cəsarətini dəyərləndirirəm. Nəhayət ki, kök qadınların da özünəməxsus gözəlliyə malik olduqlarını, bütün qadınların "canlı skelet"ə çevrilmək məcburiyyətində qalmadıqlarını anlayırlar", - Denis Bido deyib.
Milli.Az