Maraqlı

Ən yaxşı Amerika filmlərinin siyahısı hazırlanıb

27 İyul 2015 22:29
0 Şərh     Baxış: 1 933
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

Milli.Az publika.az-a istinadən xəbər verir ki, "Bi-bi-si" tarixdə ən yaxşı 100 Amerika filminin reytinqini hazırlamaq üçün dünyanın 62 məşhur tənqidçisi arasında sorğu keçirib. Birinci yeri Orson Uelsin 1941-ci ildə ekranlara çıxmış "Vətəndaş Keyn" dramı tutub. İkinci yeri Frensis Ford Koppolanın "Xaç atası", üçüncü yeri Alfred Hiçkokun "Başgicəllənmə" filmi tutub. İlk beşliyə, həmçinin Stenli Kubrikin "2001: Kosmik Odissey" və Con Fordun "Axtaranlar" filmi daxildir.

A.Hiçkok və S.Kubrikdən başqa bu siyahıya bir neçə rejissor da beş filmi ilə birdən düşə bilib. Bunlar Stiven Spilberq və Fridrix Vilhelm Murnaudur. Sorğuda ən yaxşı səssiz ekran əsəri altıncı yeri tutmuş "Günəşin doğması", bu siyahı üçün sonuncu seçilən film isə 99-cu yerdə qərarlaşmış Stiv Makkuinin "12 il köləlikdə" filmidir.
 
Sorğunun təşkilatçıları amerikalıların iştirakı ilə (hətta bu iştirak maliyyə yatırımı ilə məhdudlaşsa belə) çəkilmiş bütün ekran əsərlərinin Amerika filmləri hesab olunmasını təklif ediblər. Sorğu iştirakçılarının qarşısında rejissorun doğulduğu ölkə ilə bağlı məhdudiyyət qoyulmayıb.

Milli.Az

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.