Maraqlı

55 il sonra ilk sevgilisi ilə evləndi - FOTO

7 İyul 2015 22:24

8 Şərh Baxış: 4 451

Rostovdakı qocalar evində təsirli romantik tarixi hadisə baş verib.
Milli.Az modern.az-a istinadən bildirir ki, 55 il ayrılıqdan sonra təsadüfən görüşən 79 yaşlı pensiyaçılar evləniblər.

Cütlük ilk dəfə 17 yaşları olanda görüşüb. O zaman gənc qız tikintidə işləyib, oğlan isə sürücü olub. Gənclər dostlaşıblar, sonradan sevişiblər. Bu zaman gənc oğlanı orduya çağırıblar, qız isə onu gözləməyərək ərə gedib.

Ancaq indi yaşı 79-u haqlayan xanım deyib ki, öz qərarından ömrü boyu peşman olub.

"Boris haqda heç nə bilmirdim. Necədir, kiminlədir və haradadır. Ancaq ömrü boyu ilk sevgimi xatırlamışam", - qadın deyib.

Pensiyaçı qadın yaxınlarda dul qalıb və qocalar evinə yerləşməyi qərara alıb. Burada təsadüfən ilk məhəbbəti ilə rastlaşıb: "Dəhlizdə getdiyim vaxt kimsə mənə tərəf qışqırdı: "Mənim qızım!" Qəlbim o saat bu səsin mənim Borisimə məxsus olduğunu duydu. Üzdən o saat tanımadım, səsi isə ayrılıq illərində dəyişməyib. Biz axı onunla 55 il bir-birimizi görməmişik? Bax belə görüş oldu", - qadın söyləyib.

Kişi ilk sevgilisinə oradaca evlənməyi təklif edib. İndi cütlük Semikarokorski rayonundakı qocalar evində yaşayır.

Buna bənzər hadisə yaxınlarda Kanadada baş verib.

Milli.Az