Dünyanın ən məşhur aktyorlarından biri, Hollivud ulduzu Bred Pitt şənbə günü Los-Ancelesdəki "Autism Speaks" xeyriyyə mərasiminə qatılanda onun üzündə çapıq və göyərmiş yerlər vardı.
Milli.Az TMZ-yə istinadən bildirir ki, 51 yaşlı aktyor olayla bağlı reportyorların suallarını ilk əvvəl cavablamaq istəməsə də, sonradan fikrini dəyişib.
"Evdə yıxılmışam. Gecənin bir aləmində durub su içməyə gedəndə ayağım sürüşdü, yıxıldım. Sol yanağımda çapıq və göyərmə belə yarandı. Anladım ki, ayaq sürüşəndə üz yerə dəyir və bu, ağrılıdır", - Bred Pitt gülərək deyib.
Daha sonra o, "Light Up Blues" qrupunun konsertinə qatılıb.
"Pantages Theatre"dakı xeyriyyə mərasimində Bred Pitt qonaqları autizm xəstəsi olan insanlara daha aktiv yardımlar etməyə çağırıb.
Milli.Az
Böyütmək üçün şəkillərə klikləyin.