Rafaella, Reyçel və Teqyen Bini bacılarının toyu bir gündə olub. 29 yaşlı üçəm bacıların Braziliyanın Passo Fundo şəhərindəki toylarındakı qonaqlar çaş-baş qalmışdılar. Çünki bir toyda üç gəlin vardı, üstəlik, gəlinlər sanki bir-birlərinin surətləriydi.
Milli.Az El Mundo-ya istinadən bildirir ki, eyni paltar, saç düzümü və makiyajı seçmiş gəlinləri üç təzə bəy səhv salmaqdan qorxub.
Təzə bəylər Rafael, Qabriel və Eduardo deyiblər: "Həqiqətən də, onları ayrıd etmək çətindir".
Rafaelanın əri Rafael isə söyləyib: "Hə də, qorxurduq. Çünki Rafaela indiyədək dəfələrlə mənimlə zarafat edib. Bir neçə dəfə görüşə onun bacısı Reyçel, bir-iki dəfə də Teqyen gəlmişdi".
Üçəm bacıların valideynləri Pedro və Saletinin dediklərinə görə, çox sevinirlər: "İlk övladımız, qızımız Lizilidən sonra doğulmuş üçəm qızlarımızın bu bəxtəvər gününü gördük. Tanrıya şükür edirik".
Üçəm bacıların nikah mərasimi Passo Fundo şəhərindəki Nosa Senyora Aparesida kilsəsində olub.
Milli.Az
Böyütmək üçün şəkillərə klikləyin.