Britaniyada keçirilən "Britain's Got Talent" şousunda qalib gələrək səsi ilə dünyaca məşhurlaşan Syuzan Boyl marketdə işə düzəlmək istəyir.
Milli.Az AHT-yə istinadən bildirir ki, 35 milyon dollarlıq sərvətə malik 52 yaşlı Boyl evinin yaxınlığındakı marketə yollanaraq orada işləmək istədiyini deyib.
Marketin baş meneceri Devid Koor söyləyib: "O, içəri girib "kassir axtardığınız barədə elanı gördüm" deyəndə heyrətləndik. Təəccübümüzdən nə deyəcəyimizi bilmirdik. Syuzan Boyl dedi ki, yaxınlıqda yaşayır və marketimizdə kassir işləmək istəyir. Onun pula ehtiyacı olmadığını bilirik.
Məncə, gündəlik yaşama qarışmaq üçün belə edib. Söylədik ki, iş istəyirsə, saytımızdakı ərizə formasını doldursun".
Syuzan Boyl marketdə kassir işinə qəbul olunarsa, saatda 10 dollar maaş alacaq.
Milli.Az
Böyütmək üçün şəkillərə klikləyin