Bibliyada haqqında bəhs olunan olay Madaqaskarda təkrarlanıb. Dünən ölkə paytaxtı Antananarivunun səması çəyirtkə ilə dolu idi. Həşəratlar bulud kimi idilər və şəhər küçələrində az qala göz-gözü görmürdü.
Milli.Az Daily Mail-ə istinadən bildirir ki, çəyirtkələrin səmanı "almaları" və şəhəri "işğal" etmələri bu həşəratların illik miqrasiyası ilə bağlıdır.
Fermerlər üçün çəyirtkə Tanrının lənətidir. Çünki çəyirtkələr əkin-biçini, tarlalaları məhv edir. Bir çəyirtkə gün ərzində öz çəkisi qədər bitki yeyir.
Ada dövlət olan Madaqaskarın Kənd Təsərrüfatı Nazirliyi ölkədəki 9 milyon kəndlini çəyirtkə bəlasından qorumaqda aciz qaldığını etiraf edib.
Milli.Az
Böyütmək üçün şəkillərə klikləyin.