"Bu milyonlar artıq mənimdir. Övladıma, yaşamımın yaxşılaşmasına, gələcəyimə xərcləyəcəyəm".
ABŞ-ın Miçiqan ştatında yaşayan 24 yaşlı Kelsi Zaçounun dediyinə görə, uduşunun hələlik yalnız bir hissəsini nağdlaşdıraraq götürmək niyyətindədir.
7 aylıq oğul anası artıq 3 ildir ki, Billi Bartlettlə qeyri-rəsmi nikahdadır.
Milli.Az ABC-yə istinadən bildirir ki, Kelsinin dediyinə görə, aldığı "Mega Millions" lotereyasında cek-pota yiyələndiyini tirajdan 11 gün sonra bilib.
İndi Kelsi 27 milyon dollar pulu bankdakı hesabından çıxararaq yeni ev, avtomobillər və pal-paltar alınmasına, oğluna, habelə gənc qohumlarına sərf etmək fikrindədir.
Kelsinin sözlərinə görə, 7 aylıq oğlu Bencaminə ən yaxşı təhsil verməyə, onun gələcəyini təmin etməyə çalışacaq.
"Son 5 ildə həftədə iki dəfə lotereya bileti alırdım. İndiyədək təxminən 5 min dollar xərcləmişəm o biletlərə. Yəqin, Tanrı bunları görüb və məni mükafatlandırıb", - K. Zaçou söyləyib.
Kelsi daha sonra söyləyib ki, uğurlu bileti iyunun 13-də işdən evə qayıdarkən "Sonny's Market in Mt Clemens" dükanından almışdı.
Kelsi 66 milyon dollar sahibəsi olsa da, özü demişkən, "qudurğanlıq etmək" niyyətində deyil: "Maşınlar, villa, apartament alacağam. Kasıblığımla qisasım var. Amma o malikanə və apartamentdə bir otaq indiki yaşamımdan fərqsiz interyerdə olacaq. Köhnə divan, bir masa və bir kətil. Belə yaşayacağam, çünki pulların məni yoldan çıxarmasını istəmirəm".
Milli.Az
Böyütmək üçün şəkillərə klikləyin.