"Onu bütün dünya tanıyır. Məşhur aktyordur, tanınmış adamdır. Belə hərəkəti ona heç yaraşdırmadım".
Hollandiyalı fotoqraf Marsel van Oostenin dediyinə görə, tanınmış aktyor, Hollivud ulduzu Eşton Kaçer oğurluq edib.
Daha doğrusu, aktyor fotoqrafın şəkillərindən birini oğurlayıb.
Milli.Az TMZ-yə istinadən bildirir ki, Oostenin Yaponiyada çəkdiyi, qışda nohurda oturub əlində iPhone tutmuş yapon makakasının fotosunu Eşton Kaçer Facebook-dakı profilində yerləşdirərək "Həmişə iş" sözləri ilə müşayiət edib.
Oosten də bunu görəndə Twitter-dəki profilində yazıb: "Eşton Kaçer çəkdiyim fotonu oğurlayıb, "su nişan"ını silib və öz adına çıxararaq yayıb".
Milli.Az
Böyütmək üçün şəkillərə klikləyin.