Milli.Az 4charx.com-a istinadən bildirir ki, Citroen DS 6WR qabaritləri - 4550x1860x1610 millimetr, təkər bazası - 2730 millimetrdir. Yeni model 19 düymlük təkər diskləri üzərində hərəkət edir. Citroen DS 6WR dizaynının əsas xüsusiyyətlərindən qabaq hissəsinin daha əvvəllər DS 5LS sedan üçün istifadə edilmiş DS Wings adlandırılan yeni tərtibatını, damın alüminium dayaqlarını, gündüz işığı işıq diodlarının və ksenonun kombinasiyasını qeyd etmək olar.
DS 6WR modeli DS5 heçbeki və DS 5LS sedandan sonra DS mükafat sırasının Çində buraxılacaq üçüncü modeli olacaq. Və bir neçə ay sonra yerli bazar üçün nəzərdə tutulmuş daha bir DS modeli təqdim ediləcək. Daha əvvəl bildirildiyi kimi, PSA Peugeot Citroen qrupu DS markasını tamamilə müstəqil brendə çevirməyi planlaşdırır, amma bunun üçün model sırasını genişləndirmək lazımdır.
Milli.Az
Böyütmək üçün şəkillərə klikləyin.