Hadisə

DİQQƏTLİ OLUN! - Ermənilər Azərbaycan dilində təxribat xəbərləri yayır

17 May 2017 14:08
0 Şərh     Baxış: 1 602

Son günlər cəbhədə bir-birinin ardınca ağır itkilərə məruz qalan düşmən "gücü" informasiya müharibəsinə verib. Ermənilər bu məqsədlə Facebook sosial şəbəkəsində yaradılan "HƏRBİ MEDİA" adlı səhifədən istifadə edirlər.

Milli.Az azvision.az-a istinadən xəbər verir ki, "HƏRBİ MEDİA" səhifəsi erməni istifadəçilər tərəfindən yaradılıb. Bu səhifədə Azərbaycan dilində ordumuzun əleyhinə təxribat xarakterli informasiyalar, foto-video görüntülər paylaşılır. 

İnformasiya siyasətinin tərkib hissəsi olaraq yaradılan bu səhifə Azərbaycan ictimaiyyətində çaşqınlıq yaratmağa hesablanıb. Onlar təxribat xarakterli məlumatlar yaymaqla ordumuza olan inamı azaltmağa çalışırlar.

Məlumat üçün bildirək ki, "HƏRBİ MEDİA" səhifəsi Ermənistanda fəaliyyət göstərən "razm.info" hərbi saytını idarə edən şəxslər tərəfindən yaradılıb.

"Razm.info"nun Facebook səhifəsi azərbaycanlı istifadəçilər tərəfindən kütləvi şəkildə şikayət edildiyindən bloklanıb. Bundan sonra həmin saytın əməkdaşları çirkin niyyətlərini həyata keçirmək üçün "HƏRBİ MEDİA" səhifəsini yaradıblar. 

Vəziyyətin həssaslığını nəzərə alaraq oxuculara və sosial şəbəkə istifadəçilərinə düşmən təxribatına uymamağı, ermənilərin yaydığı foto və videogörüntüləri paylaşmamağı tövsiyə edirik. 

Milli.Az

Digər maraqlı xəbərlər Milli.Az-ın Facebook səhifəsində

Məqaləyə dair fotomateriallar:

DİGƏR XƏBƏRLƏR

Şərh yaz:

0 Şərh:

XƏBƏR LENTİ

Copyright © 2015 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.