Hadisə

Mikroavtobus "Niva" və "Toyota" ilə toqquşdu: 5 nəfər ağır yaralı var

25 Fevral 2017 15:33
0 Şərh     Baxış: 1 474
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

Mingəçevir-Xaldan avtomobil yolunda zəncirvari nəqliyyat qəzası baş verib, ağır xəsarət alanlar var.

Milli.Az-ın APA-ya istinadən xəbərinə görə, hadisə bu gün səhər saatlarında Yevlax rayonunun Əkşəm kəndi ərazisində qeydə alınıb. Yevlax sakini Eldar Mustafayevə məxsus "Niva", Şəki sakini Rüfət Ömərova məxsus "Toyota Corolla" markalı minik avtomobilləri Bakı-Mingəçevir marşurutu üzrə hərəkət edən "Mercedes" markalı mikroavtobusla toqquşub.

Hadisə zamanı Şəki sakinləri - 1958-ci il təvəllüdlü Ömərova Seyram Mirzə qızı, 1974-cü il təvəllüdlü Ömərov Nicat Mirzə oğlu, 1958-ci il təvəllüdlü İsmaylova Gültəkin Atakişi qızı, 1977-ci il təvəllüdlü Ömərova Vəcihə Məcid qızı, Yevlax sakini 1952-ci il təvəllüdlü Mustafayev Eldar Yusif oğlu müxtəlif dərəcəli bədən xəsarətləri ilə Mingəçevir Şəhər Mərkəzi Xəstəxanasına yerləşdiriliblər. Həkimlərin səyi nəticəsində onların həyatı xilas edilib.

Faktla bağlı Yevlax rayon Polis Şöbəsi tərəfindən araşdırma aparılır.

Milli.Az

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.