Hadisə

Bakıda yanğın olub

25 İyul 2016 22:44

4 Şərh Baxış: 1 736

#HADİSƏ

Bakının Yeni Günəşli qəsəbəsi, "V" yaşayış sahəsi, bina 5 ünvanında vətəndaşa məxsus mənzildə yanğın olub.

Milli.Az APA-ya istinadən xəbər verir ki, hadisə yerinə dərhal Fövqəladə Hallar Nazirliyinin Dövlət Yanğından Mühafizə Xidmətinin yanğınsöndürmə hissələri və xilasedicilər cəlb olunub.

Hadisə zamanı evdə bir azyaşlı uşaq olub. Yanğınsöndürənlərin köməyi ilə xilas edilən azyaşlı valideynlərinə təhvil verilib. Onun xəsarət almadığı bildirilir.

Yanğınsöndürənlərin müdaxiləsi nəticəsində yanğın tam şəkildə lokallaşdırılıb, onun digər mənzillərə keçməsinin qarşısı alınıb. Yanğının hansı səbəbdən baş verməsi müəyyənləşdirilir.

Milli.Az