Oğlanın sevgilisi ilə meyiti qarajda tapıldı - Azərbaycanda dəhşət - YENİLƏNİB - TƏFƏRRÜAT - FOTO

22:34

Xəbər verdiyimiz kimi, Sumqayıtda gənc oğlanla qızın meyiti tapılıb. Hadisə iyulun 22-dən 23-nə keçən gecə, şəhərin  3-cü məhəllinların birinin  həyətindəki qarajda qeydə alınıb.

Milli.Az bildirir ki, xeberle.com hadisə ilə bağlı ətraflı təfərrüatlar əldə edib.

Belə ki, 1995-ci il  təvəlldüdlü Əliyev Kənan Seyfəddin oğlu həmin məhəllənin  4/12 saylı binasında mənzil 2-də, 1997-ci il təvəllüdlü Sevinc Mütəllimova  23/a5 mənzil 46-da yaşayırdı.

K. Əliyev Ukraynada universitetlərin birində ali təhsil alaraq bu yaxınlarda Sumqayıta qayıdıb. Qız isə Azərbaycan Kooperasiya Universitetinin II kursunda təhsil  alırdı.

Bu iki gənc demək olar ki, məktəb illərindən bir-birilərini seviblər. Üzbəüz  binalarda yaşayırdılar, amma valideynləri onların bir yerdə olmalarına narazı idilər. Bu narazıçılığa baxmayaraq gizlin görüşərdilər. Oğlan universiteti bitirdiyi üçün hərbi xidmətə getməli idi. Rayona gedərək qohumlarla görüşüb və qayıdanda qızla görüşmək istəyib. Amma valideynləri qızı nəzarətdə saxladıqları üçün görüş alınmayıb.

Oğlan hərbi xidməti bitirib geri qayıdanda  qızın valideynlərinin onu başqasına verəcəklərini düşünür. Elə bu səbədən qərara gəlir ki,qızı  qaçırsın.

Həmin gün Kənan Sevinci qaçıraraq evə gətirmək istəyib. Amma oğlanın ailəsi buna qarşı çıxaraq, Kənana qızı öz evlərinə qaytarmağı tapşırıb. Ailə qızı qəbul etmədiyinə görə cütlük sığınacaq kimi qarajdakı maşını seçib.

Qaraj sevgililərin son mənzili olur. Oğlanın pulu olmadığından məhz qarajı seçiblər. Benzin almağa pul olmadığından avtomobil az işləyib. Benzin bitdiyi üçün mühərrik sönüb, amma açar açıq qaldığı üçün kondisionerin üfürücü sistemi qoşularaq dayanmadan dəm qazını sovuraraq salona verib.

Nəticədə cütlük dünyalarını dəyişiblər.

---------

12:20

Sumqayıtda dəhşətli hadisə baş verib.

Milli.Az bildirir ki, Sumqayıt Şəhər Prokurorluğundan "qafqazinfo"ya verilən məlumata görə, maşında gənc oğlanla qızın meyiti tapılıb. Hadisə iyulun 22-dən 23-nə keçən gecə, şəhərin "3-cü kvartal" ərazisinin həyətindəki qarajda qeydə alınıb.

Hadisə ilə bağlı bəzi təfərrüatları əldə edilib.

Belə ki, əsgərliyə getməyə hazırlaşan Kənan sevgilisi Sevinc Mütəllimova ilə qarajlarında görüşüb. Maşında kondisioneri yandıran cütlük bir neçə saat sonra zəhərlənərək vəfat edib.

Qızın valideynləri onun evdə yoxluğundan narahat olublar və axtarışa başlayıblar. Nəticədə sözügedən qarajda gənclərin meyiti aşkarlanıb.

Qeyd edilir ki, hadisə baş verən günün səhəri (iyulun 23-ü) Kənan əsgərliyə getməli imiş, o, sevgilisi ilə vidalaşmaq məqsədilə görüşüb.

Milli.Az

----------

17:49