13:58
İyunun 28-də axşam İstanbulun Atatürk aeroportunda baş vermiş terror aksiyasında ölən və yaralananların şəxsiyyətlərinin müəyyənləşdirilməsi prosesində Azərbaycan Respublikası vətəndaşının adına rast gəlinməyib.
Bu barədə APA-nın Türkiyə müxbirinə Türkiyə XİN-dən məlumat verilib.
XİN-dən bildirilib ki, bu istiqamətdə işlər davam etdirilir, ölü və ya yaralı siyahısında Azərbaycan vətəndaşları ilə bağlı yenilik olsa, səfirliyə məlumat veriləcək.
--------
11:47
İstanbulun Atatürk hava limanında törədilmiş terror aktı nəticəsində ölən və yaralananlar arasında Azərbaycan vətəndaşı yoxdur. Bunu İstanbul şəhər valiliyindən Azərbaycanın Baş konsulluğuna deyiblər.
Bu barədə Trend-ə Azərbaycan Xarici İşlər Nazirliyinin rəsmi nümayəndəsi Hikmət Hacıyev deyib.
Onun sözlərinə görə, Baş konsulluq valiliyin müvafiq strukturları ilə təmasları davam etdirir.
---------
10:51
"İlkin məlumatlara görə, İstanbul Atatürk hava limanında törədilmiş terror aktında ölən və yaralananlar arasında Azərbaycan vətəndaşları yoxdur".
Milli.Az bildirir ki, bunu Trend-ə Azərbaycan Xarici İşlər Nazirliyinin Mətbuat xidmətinin rəhbəri Hikmət Hacıyev deyib.
Milli.Az