Hadisə

Sarkisyanın sənəd saxtakarlığı - Onun atası kimdir? - FOTO

6 May 2016 18:20

10 Şərh Baxış: 7 713

#DÜNYADA #SİYASƏT #CƏMİYYƏT #DAĞLIQ QARABAĞ #ERMƏNİSTAN

Ermənistanın prezident Serj Sarkisyan haqqında daha bir müəmmalı sənəd yayılıb.

Milli.Az femida.az-a istinadən bildirir ki, `Aniarc.am` saytında yer alan "Serj Sarkisyanın Ağdam və Bakı vaxtları: Sarkisyanın rəsmi tərcümeyi-halında olan yeni səhvlər" adlanan məqalədə bir sıra uyğunsuzluqlar göstərilib.

Sayt yazır ki, prezidentin rəsmi səhifəsində yerləşdirilən tərcümeyi halla, mövcud sənədlər uyğunsuzluq təşkil edir. Sarkisyanın rəsmi saytında qeyd olunur ki, o, 1979-cu ildə Xankəndində gənclərlə iş komitəsində şöbə müdiri işləyib. Buna baxmayaraq, Xankəndində işləyən Sərkisyan komsomol biletini Ağdam rayonundan alıb. 1982-ci ilin mayından dekabrına qədər ora üzvlük haqqı ödəyib.

Buradan belə nəticəyə gəlmək olur ki, Sarkisyan həmin vaxt Xankəndində yox, Ağdamda işləyib. Amma bu məqsədli şəkildə gizlədilib və burada müəyyən saxtakarlıq var.

Həmçinin Sarkisyana verilən Komsomol biletində onun atasının adının göstərilməməsi müəmma yaradıb: "Sarkisyanın doğma atası kimdir?"

Daha sonra sayt Sarkisyanın tərcümeyi halının saxtalığını göstərmək üçün bir faktı fotolarla birgə təqdim edir. Buradan aydın olur ki, Sarkisyan 1980-ci ildə Bakıda Zaqafqaziya Komsomol Liseyinin məzunu olub. İndi Ermənistanda da müzakirəyə çıxarılan bu sənədin sovet dövründə fırıldaq yoluyla əldə edildiyi iddiaları möhkəmlənir.

Sarkisyanın rəsmi bioqrafiyası ilə bağlı daha bir saxtakarlıq ortaya qoyulub. Əslində o, 1988-ci ilə qədər kommunist olub. Ancaq onun tərcümeyi halında bu hissə çıxarılıb və inkar edilib.

Sayt sonda qeyd edir ki, bütün bunlar onun hakimiyyətə gəlməsi üçün atılan addımlar olub. Buna görə də onun əsl atasının kim olması gizlədilir.

Milli.Az