Hadisə

5 yaşlı uşağı maşın vurub

1 Mart 2015 20:11
2 Şərh     Baxış: 2 101
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

Oğuzda 5 yaşlı uşağı maşın vurub öldürüb.
 

Milli.Az APA-ya istinadən bildirir ki, Daxili İşlər Nazirliyinin (DİN) Baş Dövlət Yol Polisi İdarəsinin İstintaq və təhqiqat bölməsindən verilən məlumata görə, hadisə Qaraməryəm-İsmayıllı-Şəki magistral yolunun 122-ci kilometrliyində, Oğuz rayonunun Bucaq kəndi ərazisindən keçən hissəsində baş verib. Belə ki, 1986-cı il təvəllüdlü, Oğuz rayonunun Kərimli kənd sakini Abdulla Rəşidinoviç Ziyayev idarə etdiyi "Saipa Sara" markalı 48 BC 530 dövlət nömrə nişanlı minik avtomobili ilə Şəkidən Oğuz rayonu istiqamətində hərəkətdə olarkən qəfildən magistral yolun hərəkət zolağına çıxan, 2010-cu il təvəllüdlü, rayonun Bucaq kənd sakini Ləman Əfqan qızını Rəşidlini vurub.

Qəza nəticəsində ağır bədən xəsarətləri alan 5 yaşlı Ləman Rəşidli hadisə yerində ölüb.

Məlumata görə, L. Rəşidli mikroavtobusdan düşərkən anasının əlini buraxaraq yolun hərəkət zolağına qaçıb.

Faktla bağlı DİN-nin Baş Dövlət Yol Polisi İdarəsinin İstintaq və Təhqiqat bölməsində araşdırma aparılır.

Milli.Az

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.