Bu gün Şəkidə piyadanın xəsarət alması ilə nəticələnən yol qəzası baş verib.
Milli.Az Kanal S-ə (Region TV) istinadən xəbər verir ki, hadisə şəhər ərazisində 8 saylı orta məktəbin önündə qeydə alınıb. Süleymanov Elçin Kazım oğlunun idarə etdiyi 55 BM 845 dövlət nömrə nişanlı "Mercedes" markalı mikroavtobus yolu keçmək istəyən piyada, Şəki sakini, 1952-ci il təvəllüdlü Sadıqova Şirin Həsən qızını vurub.
Ayağından xəsarət alan qadın hadisə yerinə gələn təcili tibbi yardım maşını ilə xəstəxanaya çatdırılıb. İlkin ehtimala görə, hadisə hər iki tərəfin diqqətsizliyi səbəbindən baş verib.
Faktla bağlı araşdırma aparılır.
Milli.Az
Videonu izləmək üçün şəkilə klikləyin.