Bu gün axşam saatlarında Gəndob-Yalama yolunun 39-cu kilometrliyində yol-nəqliyyat hadisəsi qeydə alınıb. 31 yaşlı Bakı şəhər sakini Mahir Zeynalovun idarə etdiyi 90 TH 578 dövlət nömrə nişanlı "Chevrolet Avea" markalı avtomobillə əks istiqamətdə olan 32 yaşlı Xaçmaz rayon, Nağıoba kənd sakini Pərviz Əlifxanovun idarə etdiyi 27 BM 093 dövlət nömrə nişanlı "Ford" markalı yük avtomobili toqquşub.
Hadisə nəticəsində hər iki avtobobildə olan sürücü və "Chevrolet Avea" markalı avtomobildə olan sərnişinlər 32 yaşlı Xaçmaz rayon sakini Ceyhun Teyyubov, 24 yaşlı Bakı şəhər sakini Aytən Əhmədova müxtəlif dərəcəli bədən xəsarətləri ilə Xaçmaz Mərkəzi Rayon Xəstəxanasına çatdırılıblar. Faktla bağlı araşdırmalar aparılır.
Milli.Az