Şəki Şəhər-Rayon Polis Şöbəsindən APA-ya verilən məlumata görə, hadisə bu gün səhər saatlarında Şəki şəhəri 1-ci rayon Haqverdiyev küçəsi, ev 3 ünvanında qeydə alınıb. 1990-cı il təvəllüdlü Mövlan Vaqif oğlu Vahabov evində ölmüş vəziyyətdə aşkarlanıb.Şəkidə 25 yaşlı şəxs müəmmalı şəkildə ölüb
Məlumata görə, bu gün səhər anası oğlunu işə getmək üçün çağırmaq istəyəndə onun yatdığı yerdə hərəkətsiz vəziyyətdə olduğunu görüb. Hadisə yerinə çağırılan Şəki Rayon Mərkəzi Xəstəxanasının (RMX) Təcilli Tibbi Yardım Stansiyasının əməkdaşlarının müayinəsi zamanı 25 yaşlı Mövlan Vahabovun öldüyü müəyyən olunub. Mövlan Vahabovun ölümünün dəqiq səbəbi məhkəmə tibbi ekspertizanın rəyindən sonra məlum olacaq. Faktla bağlı araşdırma aparılır.
Milli.Az