Araşdırmalar zamanı tikilinin qanunsuz olduğu müəyyənləşib
Fövqəladə Hallar Nazirliyi (FHN) Bakının Nizami rayonunda tikilməkdə olan binanın uçması barədə yayılan məlumatlara münasibət bildirib.
Nazirliyin mətbuat xidmətindən APA-ya verilən məlumata görə, FHN-in ekspertləri hadisə baş verən əraziyə baxış keçiriblər. Baxış zamanı məlum olub ki, tikinti zamanı yol verilən nöqsanlar nəticəsində beton tökmək üçün quraşdırılmış taxta qəlib uçub. Hadisə nəticəsində xəsarət alan olmayıb.
17:52
Bakının Nizami rayonu ərazisində inşa olunan tikili uçub. Oxucuların Milli.Az-a verdiyi məlumata görə, hadisə 8-ci kilometr bazarının yaxınlığında yerləşən tikintidə baş verib.
Qəza binanın ikinci mərtəbəsinin tikintisi gedərkən beton tökülən zaman baş verib. Birinci mərtəbənin dirəkləri betonun ağırlığına tab gətirməyərək çöküb.
Anar Məmmədov
Milli.Az
Böyütmək üçün şəkillərə klikləyin.
Foto: Teymur Mərdanoğlu