Milli.Az xəbər verir ki, bu barədə anspress-ə ADNA-dan məlumat verilib.Azərbaycan Dövlət Neft Akademiyasının (ADNA) əməkdaşı iş başında vəfat edib
Vəfat edən akademiyanın Əsaslı Kitabxanasının direktoru Cabir Ağaməmmədov olub.
Məlumata görə o, yanvarın 26-da işdə olarkən saat 17 radələrində qəfil səhhəti pisləşib. Kitabxananın direktoru infarktdan dünyasını dəyişib.
Qeyd edək ki, Cabir Lənkəran oğlu Ağaməmmədov 1939-cu ildə Ağdam rayonunun Qaradağlı kəndində anadan olub. 1967-ci ildə Bakı Dövlət Universitetinin kitabxanaçılıq fakültəsini bitirib. 1971-ci ildə Azərbaycan Pedaqoji Dillər İnstitutunun ikillik kursunda ingilis dilini öyrənib. 1984-cü ildən Azərbaycan Dövlət Neft Akademiyasının əsaslı kitabxanasının direktoru vəzifəsində işləyib.
Allah rəhmət etsin!
Milli.Az