Hadisə

Azərbaycanda partlayış: ər-arvad yaralandılar

27 Yanvar 2015 09:51
0 Şərh     Baxış: 805
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən
#HADİSƏ #BÖLGƏ XƏBƏRLƏRİ #PARTLAYIŞ
Milli.Az CTV-yə (Region TV-yə ) istinadən bildirir ki, Cəlilabad rayonunda yaşayış evində baş verən güclü partlayışda ər və həyat yoldaşı yanıq xəsarətləri alıblar.

Hadisə  rayonun Fərid Əhmədov küçəsində, 50 yaşlı Mədinə Əliyevanın ata evində yaşadığı fərdi yaşayış evində qeydə alınıb. Hadisə şahidlərinin sözlərinə görə, otaqda elektrik lampasının yanması partlayışa səbəb olub. Nəticədə evin döşəməsi və tavan hissəsi yararsız hala düşüb.

Partlayış zamanı evdə yanğın hadisəsi olmasa da Mədinə Əliyeva və onun həyat yoldaşı, 48 yaşlı Ərəstun Əliyev müxtəlif dərəcəli yanıq xəsarətləri alıblar. Yaralılar dərhal Cəlilabad Rayon Mərkəzi Xəstəxanasına çatdırılıblar. Xəstəxanada onlara ilk tibbi yardım göstərildikdən sonra yaralıların vəziyyəti ağır olduğu üçün paytaxta gətiriliblər.

Partlayış yerin altından keçən qaz xətlərindəki sızmadan baş verib. Faktla bağlı araşdırmalar aparılır.

Milli.Az
Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.