Hadisə

Bakıda "Jiquli" "KamAZ"a çırpıldı: 4 ölü - YENİLƏNİB - VİDEO - FOTO

30 Sentyabr 2014 14:10

2 Şərh Baxış: 5 509

#AZERBAİJAN #HADİSƏ #VİDEO #QƏZA #KAMAZ JSC

11:33

Ötən gecə saat 23:10-da baş vermiş qəzada ölənlərdən üçünün şəxsiyyəti hələ ki, bilinməyib.

Bakı Şəhər Təcili və Təxirəsalınmaz Tibbi Yardım Stansiyasından (BŞTTTYS) Milli.Az-a verilən məlumata görə, Sabunçu rayonunda baş vermiş qəzada ölən 4 nəfərdən biri qadındır.

--------
08:59

Sabunçu rayonunda 4 nəfərin ölümü ilə nəticələnən ağır yol qəzası baş verib.

APA-nın məlumatına görə, hadisə şəhər şosesində qeydə alınıb. Elçin Alıyev idarə etdiyi "VAZ 2102" markalı avtomobillə Maştağa istiqamətində yüksək sürətlə hərəkətdə olarkən idarəetməni itirib və yolun kənarında dayanan "KamAZ" a arxadan çırpılıb. Nəticədə avtomobildə olan sürücü və 3 sərnişin aldıqları xəsarətdən hadisə yerindəcə dünyalarını dəyişiblər.

Dərhal hadisə yerinə FHN-in xilasediciləri, Sabunçu Rayon Polis İdarəsinin əməkdaşları və təcili yardım briqadası cəlb olunub. Xilasedicilər deformasiyaya uğramış avtomobildən cəsədləri çıxararaq aidiyyatı üzrə təhvil veriblər.

Hadisənin baş verdiyinə gəldikdə isə, ilkin ehtimal olaraq "VAZ 2102" avtomobilinin sürücüsünün yol hərəkəti qaydalarını pozması və yüksək sürət göstərilir.

Ceyhun Ələkbərov
Milli.Az

---------
14:10

Videonu izləmək üçün şəklə klikləyin.