Bu gün axşam saatlarında Bakıda metronun "20 yanvar" stansiyasında ticarət köşkləri sökülməyə başlanılıb
Milli.Az bildirir ki, hadisə yerində olan qafqazinfo-nun əməkdaşının sözlərinə görə, söküntü obyekt sahibləri tərəfindən etirazla qarşılanıb. Belə ki, əvvəlcədən xəbərdarlıq edilməyən sahibkarlar mallarını dəyər-dəyməzinə satmaq məcburiyyətində qalıblar. Artıq metronun giriş və çıxış hissəsinə yaxın obyektlər sökülüb, digərlərinə isə söküntü ilə bağlı xəbərdarlq edilib.
Qeyd edək ki, bu ilin mart ayından metrodakı bütün ticarət obyektləri sökülüb.
Metronun "20 yanvar" stansiyasının keçidlərindəki ticarət obyektləri isə Bakı Metropoliteni nəzarətində yox, Nəqliyyat Nazirliyinin nəzarətində olduğu üçün sökülməmişdi.
Milli.Az
Böyütmək üçün şəkillərə klikləyin.