Hadisə

Tovuzda yanğın

25 İyul 2014 17:20

0 Şərh Baxış: 1 046

#HADİSƏ

Tovuzun İbrahimhacılı kəndində də yanğın hadisəsi qeydə alınıb. Ötən gün baş verən yanğın hadisəsi zamanı kənd sakini Fəzail Məmmədhəsənova məxsus fərdi evin həyətində olan 8 ton ot bağlamasının yarısı və ona bitişik ümumi sahəsi 164 kv.m olan mağazanın 25 kv.m sahədə lambirdən ibarət divar üzlüyü yanıb, plastik pəncərə isə yüksək temperaturdan əriyib.

Milli.Az Kəpəz TV-yə istinadən xəbər verir ki, kənd sakinləri yanğınsöndürənlər gələnə qədər geyim mağazasındakı malları və digər əşyaları küçədə təhlükəsiz yerə yığıblar. Hadisə zamanı xəsarət alan olmayıb. Faktla bağlı araşdırma aparılır.

Milli.Az