"Yüksək Texnologiyalar Parkı" MMC-nin (YTP) inzibati binasının təməlinin qoyulması sentyabrın ortalarında gözlənilir. Bunu Trend-ə Rabitə və Yüksək Texnologiyalar Nazirliyindən deyiblər.
Nazirliyin məlumatına əsasən, tikintiyə başlamaq üçün Parkın infrastrukturunun layihələndirilməsi üzrə hazırlıq işləri həyata keçirilib və sahənin baş planı hazırlanıb.
MMC-dən Trend-ə bildiriblər ki, hazırda potensial investorlarla bir sıra mümkün istiqamətlər müəyyənləşdirilib. İstiqamətlərdən biri YTP-nin infrastrukturunun inkişafına vəsaitin cəlb edilməsi üçün investorların infrastruktur fondunun yaradılmasında iştirakını təmin etməkdir.
Qeyd edək ki, YTP Bakının Pirallahı adasında inşa ediləcək. Bunun üçün 50 hektar torpaq sahəsi ayrılıb.
Milli.Az