Texnologiya

Amerikalılar kriptovalyutaya pul ayırdı

1 Avqust 2015 20:25
0 Şərh     Baxış: 392
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

Üç ABŞ universiteti kriptovalyutaları (virtual pul) tədqiq etmək niyyətində olmasını bəyan edib. Bu məqsədlə Milli Elm Fond tərəfindən 3 milyon dollar məbləğində qrant ayrılıb. 

Milli.Az ICTnews-a istinadən bildirir ki, Karnegi, Merilend və Kaliforniya universitetləri diqqəti tədqiqatlarla yanaşı, yeni kriptovalyuta sistemlərinin öyrənilməsinə yönəldəcək. Maliyyə vəsaitlərindən layihədə iştirak edən tədqiqatçıların dəstəklənməsi üçün istifadə olunacaq.
 
Tədqiqat prosesində tranzaksiyaların miqyasının genişləndirilməsinə, son istifadəçi üçün məxfiliyin və funksionallığın artırılmasına imkan verən yeni sistemlərin yaradılması planlaşdırılır. Tədqiqatçılar Merilend Universitetinin əvvəlki elmi işlərindən faydalanacaq.
 
İyunda Merilend Universiteti Karnegi Universiteti ilə birlikdə bildirişlərin göndərilməsi üçün mühafizəli sistemin yaradılması üzərində işi başa çatdırıb. Hazırda məxfi saxlanılan layihədə bəzi tamamlama işləri aparılır.
 
Layihənin maliyyələşdirilməsi təşəbbüsü məqsədi rəqəmli mühitdə kibertəhlükəsizlik və məxfiliyin inkişafı olan Secure and Trustworthy Cyberspace Program proqramına məxsusdur. 
Milli.Az

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.